Siglir tar il cuntegn

Header

Navigaziun

cuntegn

Nagins quitads tar l'uniun «In onn sco nus enconuschain da blers auters onns»

Il president da l'Uniun purila grischuna, Thomas Roffler, è fin qua cuntent cun la racolta da fain en il Grischun. En general sajan ils prads en Grischun er sa revegnids bain da l'onn da setgira 2018.

La chalira e setgira dal 2018 sentan ils purs era anc il 2019, almain regiunal. Tenor Thomas Roffler sentia oravant tut il nord dal Grischun ed il Grischun Central anc la setgira. Quai che manchia en questas regiuns saja il fain fin da qualitad, uschia saja la racolta en tscherts lieus pli pitschna.

In ulteriur punct che ha influenzà la racolta saja la vegetaziun, che ha cumenzà quest onn cun retard pervia da la blera naiv. Grazia a fitg bun'aura sur Tschuncaisma n'haja quai dentant gì be ina pitschna influenza.

Il 2019 è in onn sco nus enconuschain da blers auters onns.
Autur: Thomas Rofflerpresident da l'uniun purila grischuna

Tut en tut è il president da l'Uniun purila grischuna cuntent cun la racolta 2019. Oravant tut cumpareglià cun l'onn passà.

L'aura decida

Thomas Roffler spera che l'aura na fetschia betg da sturna il proxim temp. Optimal per l'agricultura fissi, sch'i dess periodas da bell'aura durant il fanadur. Tge che na po dentant er betg mancar, saja la plievgia en intervals regulars.

Ord l'archiv:

Legenda: Guardar il video Telesguard – Mancanza da fain. Durada 02:21 minutas.
Or da RTR dals 23.02.1985.

RR actualitad 08:00