Chantun - Naiv amez la stad

1 / 10

Legenda: Ier saira sin il Pass dal Güglia - senza agid, qua da la firma Beltracchi, na va pli nagut. mad

2 / 10

Legenda: Sisum il pass dal Flüela na vesa quai betg ora da stad. RTR, Reto Mayer

3 / 10

Legenda: Sisium il Flüela schizunt lavur per il fargun da naiv. RTR, Reto Mayer

4 / 10

Legenda: Auter che sin il placat na datti betg stad sin il Flüela. RTR, Reto Mayer

5 / 10

Legenda: Era sin la vart dal Flüela envers Tavau haja dat bravamain naiv. RTR, Reto Mayer

6 / 10

Legenda: Sco amez enviern - il viadi sur il pass dal Flüela. RTR, Reto Mayer

7 / 10

Legenda: Naiv en Engiadina - la Punt Chamues-ch. RTR, Anna Caprez

8 / 10

Legenda: Enfin giu Zuoz n'è la naiv betg rivada. RTR, Anna Caprez

9 / 10

Legenda: Ier saira a San Murezzan - era tar plantas crudadas è la firma Beltracchi per part sco emprima sin il lieu. mad

10 / 10

Legenda: Surprendent, dentant betg insolit - il fenomen da la naiv amez la stad, qua fotografà sin il pass dal Güglia. Keystone

Amez la stad è arrivada la naiv: Ils pass dal Flüela e la Forcola di Livigno èn stads serrads per motivs da segirtad. Sur il pass dal Güglia valeva in obligatori da chadainas tranter Bivio e Silvaplauna.

Cun naiv èsi era da quintar sur ils pass da l'Alvra, Bernina ed Alpsu sco tranter Mulegns e Bivio. Sur ils pass dal Fuorn ed Umbrail pudevan ins entant puspè charrar tut normal.

Tenor la charta da la viabilitad dal chantun Grischun è la situaziun entant sa normalisada.

La naiv è crudada per part fin 1’600 meters sur mar. Il cunfin da naiv vegn er a restar durant il di insolitamain bass sco quai che Meteonews communitgescha.

RR novitads 06:00 / 08:00 / 10:00 +