Siglir tar il cuntegn

Header

Navigaziun

I po dar naiv fin en la Val dal Rain. (archiv)
Legenda: I po dar naiv fin en la Val dal Rain. (archiv) Keystone
cuntegn

Chantun Naiv è meglier che plievgia

La naiv ch'i dat ils proxims dis en il Grischun è meglra per la natira che plievgia. Cunzunt en il sid dal chantun è il terren fitg sitg uschia ch'el na sa gnanc prender si uschè blera aua en furma da plievgia. En furma da naiv riva l'aua dentant pli plaun en il terren.

Ils proxims dis datti fin in meter naiv nova en il Grischun dal sid. Là dovra quai er naiv e plievgia cunquai che l'entira primavaira è stada memia sitga, uschia Remo Fehr, manader da l'uffizi per ambient e natira dal Grischun. La situaziun na saja betg dramatica, il livel da l'aua sutterana saja dentant pli bass che auters onns.

Naiv e meglier che plievgia

Tenor Remo Fehr èsi optimal ch'i dat naiv e nagina plievgia. La plievgia na po il terren gnanc prender si uschè spert cunquai ch'el è uschè sitgs ed i po uschia dar spert inundaziuns. Cun la naiv ha il terren dapli temp da s'endisar ch'i è puspè umid e cura la naiv lieua, po el prender si meglier l'aua.

RR actualitad 07:00