Il venderdi tranter las 11 e las 12 han ils auditurs e las audituras da RTR gì la pussaivladad da telefonar en il studio e raquintar lur istorgia enturn il rumir naiv u era engraziar per la lavur da rumir che auters han fatg. Quai ha fatg Anita Büchler che è fitg cuntenta dad avair buns vischins, cura ch'i dat naiv.
Las maschinas da rumir naiv han gì conjunctura auta las davosas emnas. Surtut ils lavurers communals, las firmas che gidan da rumir ed ils lavurers dal chantun han gì blera lavur. Ma era ils privats han stuì spalar pulit enturn chasa ubain per far liber l'auto.
Magari vegn la lavur da las vischnancas dentant era crititgada. Uschia era las davosas emnas a Cuira, nua che plirs abitants han reclamà tar la citad. Tenor ils responsabels per rumir la naiv a Cuira saja dentant betg pussibel da rumir pli spert. Cura ch'ins stoppia rumir passa 100 kilometers vias e vitiers anc ils passapes, duria quai in temp.
RR actualitad 11:00