Siglir tar il cuntegn

Header

cuntegn

Chantun Nauscha stagiun per pendicularas grischunas

Las pendicularas grischunas termineschan la stagiun d'enviern cun in dals pli nauschs resultats da l'istorgia. Cumpareglià cun la stagiun 2013/14 han las pendicularas nudà passa 5,3% damain giasts.

Cumpareglià cun la media dals ultims 5 onns è quai schizunt in minus da passa 8%, quai resulta dal monitur da las pendicularas grischunas.

Suenter ina nauscha partenza da la stagiun cun in schaner mediocher ed in bun favrer giaja il mars 2015 en l'istorgia sco in dals pli nauschs dals ultims 10 onns. Las pendicularas supponan ch'il svilup da l'euro haja per l'emprima giada laschà fastizs.

Damain svieuta

La stagiun 2014/15 noda il Grischun 3,7% pli pauc svieuta cumpareglià cun l’onn avant. Il mender resultat hai dà en la regiun Arosa ed il Grischun central, là è la svieuta sa reducida per 7,2%. I suonda Tavau/Claustra cun in minus da 5,2%. En l’Engiadina bassa è la svieuta ida enavos per 4,3% ed en Surselva per 2,6%.

audio
Glindesdi Pasca: Pendicularas grischunas cun nauscha stagiun 2014/15
ord Actualitad dals 06.04.2015.
laschar ir. Durada: 1 minuta 11 Secundas.

Meglier vesi ora en l’Engiadin’Ota, là han ins pudì augmentar la svieuta per 1,6% schegea ch’i ha gì pli paucs giasts che avant in onn.

RR novitads 17:00

Artitgels legids il pli savens