Bain hajan plievgias u navadas intensivas prendì tiers ils davos onns - il quantum total da precipitaziun na saja dentant betg vegnì pli grond, uschia Jan Sedlacek. Il cuntrari: «Forsa datti giu in tatsch naiv sco ussa, però ha la quantitad totala da naiv prendì giu en ils davos onns.» Navadas ed il medem mument tuttina pli pauca naiv. Quai na saja betg ina cuntradicziun, uschia il climatolog. Durant la stad saja plitost uschia che las periodas tranter las plievgias vegnian pli grondas ed i plovia persuenter pli ferm.
Era l' enviern sa concentreschian las precipitaziuns sin paucs dis, uschia ch'i plovia u naivia fitg ferm. Igl n'è betg dapli u pli pauc naiv che vegn giuadora – i vegn simplamain tut en ina. «Ils models da clima fan quint che plievgias e navaglias fermas prendan tiers per 10% u 20% aifer ils proxims 50 onns», uschia Sedlacek.
Dapli aua en pli curt temp
Era ina consequenza da la midada dal clima ed l'augment da temperatura è ch'il cunfin da naiv e pli auts. Enstagl da naiver plovi en lieus pli bass e quai fermamain aifer curt temps. Uschia saja evident ch'era inundaziuns sajan in scenari ch'i dettia en il futur anc dapli, prognostitgescha il climatolog.
RR actualitad 12:00
