Cunquai saja l'entir access a l'autostrada Vazsut-Zezras en funcziun, scriva l'Uffizi federal da traffic Astra. Fin l'atun sajan anc da far lavurs pli pitschnas.
La reducziun dal tempo sin 80 kilometers l'ura en la zona dal plazzal, en direcziun Cuira, valia vinavant.
Las lavurs principalas vegnan finidas anc l'atun 2021. Quai è tenor l'Astra in bun tant pli baud che planisà, sur tut grazia a la bun'aura. Uschia hajan ins pudì far las lavurs dependentas da l'aura senza retards. Suenter las lavurs principalas vegnan anc renovadas la rundella Rappagugg e la via che collia lura la via principala.
Legenda:
Da vart dretga è qua da vesair er anc la punt nova per la viafier.
ASTRA
Ils custs da las lavurs vi da la sortida da l'A13 Vazsut-Zezras, muntan a radund 34 milliuns francs, sco l'Astra scriva.