-
Bild 1 von 2. Il lieu nua che la nova basa da traffic da la polizia chantunala duai vegnir realisada. Bildquelle: MAD.
-
Bild 2 von 2. Vista sin l'areal previs per il nov bajetg, datiers da la rundella «Cuira Sid». Bildquelle: MAD.
Il venderdi ha il chantun lantschà la concurrenza da project per ina nova basa da traffic. Quest bajetg da la polizia chantunala duai vegnir sper la rundella «Cuira sid» a la via Sommerau – visavi dal bajetg da la chasa editura Somedia.
Cunquai ch'il bajetg vegn a far part dal plan d'acziun chantunal «Green Deal» – è la persistenza dal bajetg in dals puncts centrals dal project.
E damai ch’il lieu da construcziun vala sco «porta» a la citad da Cuira, spetga il chantun in project-mussavia er areguard la persistenza. Las experientschas fatgas duain lura gidar il chantun, da realisar ulteriurs bajetgs cun resguardar aspects sco bilantscha energetica netto-nulla, in bun clima e bunas funcziunalitads per il persunal e custs minimals dal manaschi sco er dal mantegniment.
La nova basa da traffic da la Polizia chantunala ha da dar suttetg a radund 50 collavuraturas e collavuraturs – sco er a differents vehichels da la polizia.