Siglir tar il cuntegn

Header

purtret da Thomas Müller e Cornelia Camichel
Legenda: Il nov decan cun la decana fin uss, Cornelia Camichel. RTR, Federico Belotti
cuntegn

Nov decan baselgia refurmada Thomas Müller-Weigl vul metter pais sin la digitalisaziun

La sinoda a Spleia ha elegì il plevon d’Arosa Thomas Müller-Weigl sco nov decan da la baselgia evangelic-refurmada dal Grischun. Sco ch'el ha ditg envers RTR, veglia el en l'avegnir metter paisa sin la digitalisaziun.

Servetschs divins ed il barat digital, duai era en l’avegnir chattar plaz en la baselgia refurmada, ha ditg il nov-elegì decan. Ad Arosa, nua ch’el è plevon, hajan ins fatg bunas experientschas cun novas furmas – per exempel cun metter videos da predis in la pagina d’internet.

audio
Sinoda refurmada: Er il nov decan metta sin la digitalisaziun
03:06 min, Actualitad dals 28.06.2021.
laschar ir. Durada: 03:06 minutas.

Decan nov elegì

Thomas Müller-Weigl ha survegnì la maioritad da las 81 vuschs. Ses cuntracandidat Kaspar Kunz ch’è plevon a Ziràn ha fatg 25 vuschs.

Ils davos set onns è Cornelia Camichel Bromeis stada la decana da la baselgia evangelic-refurmada. La plevonessa da 49 onns mida sin la fin da fanadur a Turitg, a la baselgia St. Peter. Thomas Müller-Weigl surpiglia ses nov uffizi sco decan l'emprim d'avust.

video
Thomas Müller-Weigl, il nov decan da la baselgia evangelic-refurmada
Or da sil punct dals 28.06.2021.
laschar ir

RTR novitads 11:00

Artitgels legids il pli savens

Scrollar a sanestra Scrollar a dretga