Chantun - Nov impuls per recrutar persunas giuvnas en uffizis politics
Bleras vischnancas svizras han adina pli savens fadia da recrutar glieud giuvna per uffizis politics. Tenor in studi da la scola auta per tecnica ed economia (HTW) a Cuira è quai entant il cas tar duas da trais vischnancas.
Da principi fiss mintga 5avel giuven creschì pront da s'engaschar politicamain. Sin papiri vesa quai però or auter: Tut en tut sajan be radund 760 creschids tranter 25 e 35 onns activs en l'executiva d'ina vischnanca, stiman ils perscrutaders. Per meglierar la situaziun e promover ils giuvens ha la HTW activà pagina d'internet cun 80 cussegls per las vischnancas.
