Il cussegl d'administraziun ed il nov CEO han nuà in pachet da mesiras finanzialas che segirescha la fatschenta operativa a partir dad ussa ed uschia era 40 plazzas a Landquart.
Sco Carna Grischa scriva sajan ils manglaments da qualitad e dals process da controlla dal davos temp vegnids eliminads. Il CEO d'enfin ussa, Xaver Dietrich, bandunia l'interpresa en enclegientscha vicendaivla.
Carna Grischa resta Carna Grischa
Carna Grischa na mida betg num, quai malgrà ch’i aveva dà emnas a la lunga novitads negativas en ils meds da massa svizzers. Sco il nov schef ad interim da Carna Grischa Martin Niederberger ha detg ad RTR, na vesess quai betg ora bain sche Carna Grischa midass il num. Ins faschess be la parita d’in ulteriur engion. La decisiun da salvar il num Carna Grischa saja stada ina greva.
RR novitads 12:00