Nov onn – nova regenza. Per Peter Peyer e Marcus Caduff n'ha betg entschet mo in nov onn, mabain era lur nov uffizi. Marcus Caduff sco schef dal departament d'economia e fatgs socials – Peter Peyer sco schef dal departament da giustia, polizia e sanitad.
Peter Peyer vul l'emprim sa disar
Il nov cusseglier guvernativ ha passentà ses emprim di en uffizi en ses biro. Senza pli gronds termins. El vul l'emprim sa disar vid sia nova lavur. Ses emprim di ha el passentà cun drizzar en ses biro ed emprender d'enconuscher sia nova plazza da lavur.
Sias finamiras per l'emprim onn d'uffizi
La gronda finamira da Peter Peyer è d'emprender d'enconuscher tut ils uffizis che tutgan tar ses departament. Entschet a sa preparar sin sia incumbensa ha el gia dapi l'atun. El è stà a visitar plirs uffizis ed ils collavuraturs da ses departament. Ses proxim termin impurtant è l'emprima sesida da la regenza che ha lieu l'emna proxima.
Sguard enavos cun Marcus Caduff
RR actualitad 07:00