Siglir tar il cuntegn

Header

cuntegn

Nov post a Cuira Staziun ornitologica rinforza ses engaschi en Grischun

La Staziun ornitologica svizra rinforza ses engaschi en il Grischun. L'organisaziun per perscrutar e proteger ils utschels ha fundà a Cuira in nov post extern cun dus collavuraturs. Il Grischun gioghia ina rolla centrala en il mund dals utschels sin fundament da sia grondezza e da sia diversitad da la cuntrada, communitgescha la Staziun ornitologica. Utschels cuaders stgatschads ord la Bassa hajan chattà en il Grischun anc spazis vitals intacts. Spezialmain impurtant saja il Grischun per utschels alpins.

Cun il nov post a Cuira duai la protecziun dals utschels vegnir rinforzada en la regiun. Il focus veglian ins metter sin spezias en las regiuns agriculas. Qua gioghia la cultivaziun dals prads ina gronda rolla. Per far quai fetschian ins per part era contracts cun purs.

Da l'autra vart dovran er ils abitants da regiuns umidas protecziun, sco per exempel il rivaun cumin. Quel cuntanschian ins cun projects da revitalisaziun ch'ins accumpognia, u er cun manar ils visitaders enturn il dachasa. Il nov post lubeschia plinavant il contact pli stretg cun collavuraturs voluntaris.

La Staziun ornitologica svizra ha era gia tals posts a Sion en il Vallais ed a Contone en il Tessin.

audio
Per tadlar: las novitads da las 12:00
ord Novitads dals 16.06.2020. Maletg: RTR
laschar ir. Durada: 4 minutas 59 Secundas.

RTR novitads 12:00

Artitgels legids il pli savens