Siglir tar il cuntegn
cuntegn

Chantun Nov schefredactur per il Bündner Tagblatt

Pesche Lebrument daventa nov schefredactur da la gasetta quotidiana. El succeda a Luzi Bürkli che banduna la Somedia.

Pesche Lebrument .
Legenda: Pesche Lebrument daventa nov schefredactur dal Bündner Tagblatt. Keystone

Pesche Lebrument è il nov schefredactur da la gasetta Bündner Tagblatt. El succeda a Luzi Bürkli, che mida il zercladur tar Grischun Vacanzas. Quai communitgescha la chasa editura Somedia.

Pesche Lebrument ha 45 onns ed ha dirigì durant 14 onns la televisiun regiunala TV Südostschweiz, avant ch'el ha midà en il svilup d'emissiun ed è daventà autur. Sper sia nova funcziun sco schefredactur moderescha el vinavant l'emissiun «Südostschweiz Standpunkte».

Pesche Lebrument è in figl da Hanspeter Lebrument, il president dal cussegl d'administraziun ed editur da la Somedia SA.

RR novitads 16:00