Nova bar da glatsch a Cuira

Sin il Kornplatz datti nov ina bar da 12 meters, circumdada da dus iglus, da maisas, d'in fieu per stgaudar il punsch e d'ina culissa arctica cun blers pigns.

Quatter giadas ha il Christkindlimarkt a Cuira gì lieu sin in Kornplatz sco era sin la via da la posta. Quest onn n'è il Christkindlimarkt betg pli preschent sin il Kornplatz, mabain sin la via da la staziun.

Enstagl da stans cun anghels e decoraziuns datti persuenter quest onn ina lunga bar da glatsch amez la citad veglia. La fatschenta Dittli Jeans ha organisà l'attracziun ensemen cun autras localitads vischinantas. La finamira da l’organisaziun è da promover e laschar reviver la citad veglia.

Finanzialmain na vegnan ils organisaturs numnadamain betg a vegnir sin in frastga verda, di la mainaproject Angelika Lehmann. Blers passants e possessurs da fatschentas en da l'avis che la bar da glatsch carmala intgins giasts, cunzunt perquai che l'attracziun è nova.

RR actualitad 11:00