La votaziun davart la finanziaziun dal turissem a Claustra-Serneus è stada necessaria, suenter ch'il suveran aveva refusà in'emprima proposta l'onn 2016. Tras la revisiun parziala vegnan augmentadas las summas per las pernottaziuns da purschidas commerzialas. Per abitaziuns e chasas da vacanzas vegn introducì ina pauschala per letg che sa drizza tenor il dumber da las stanzas. Tar la taxa per promover il turissem na datti dentant naginas midadas. Plinavant vegn la partiziun da Claustra aifer l'organisaziun turistica da la destinaziun Tavau, reorganisada.
Approvà quint annual cun gronda maioritad
Il quint annual è vegnì acceptads cun 81% da als vuschs. Ils votants e las votantas han era dà lur consentiment per in contract da dretg da construcziun cun quatter mastergnants pertutgant ina halla da commerzi. Tar tut ils projects da votaziun giascha la participaziun tar radund 26%.
RR novitads 12:00