Il sistem da gulivaziun da finanzas dal Grischun saja gartegià e cuntanschia las finamiras. Quai scriva la regenza grischuna en l'emprim rapport davart l'efficacitad da la nova gulivaziun da finanzas. Las vischnancas hajan profità. En vigur è la nova gulivaziun dapi l'entschatta dal 2016.
Malgrà la bilantscha positiva, propona la regenza intginas midadas en il rom d'ina revisiun parziala da la gulivaziun da finanzas. Uschia duain per exempel las las taglias a la funtauna sco er las taglias sin il gudogn e sin il chapital vegnir resguardadas da nov mo pli per il pe da taglia ch'è vegnì fixà dal Cussegl grond. Cun in'ulteriura adattaziun duain da las vischnancas stuair far ina contabilitad per la gulivaziun da las grevezzas da scola. E daners ch'èn vegnids pajads nungiustifitgadamain ord la gulivaziun da finanzas duain pli tard stuair vegnir pajads enavos.
Er nova surveglianza da finanzas funcziunescha
Er la nova surveglianza da las finanzas da las vischnancas - che ha in effect preventiv - vegn valitada a moda positiva dal chantun. Il chantun haja be en paucs cas stuì intervegnir pervi da cas critics.
