Bettina Ott Guyan maina en l'avegnir la procura per giuvenils dal Grischun.
Sco quai ch'il Departament da giustia scriva, ha la giurista da 51 onns lavurà durant blers onns sco inquisitura tar la procura publica dal Grischun. Dapi il 2008 lavura Ott Guyan sco procuratura per giuvenils. Ella succeda ad Albert Fausch che va en pensiun la fin da matg da l’onn che vegn.
La procuratura directiva per giuvenils fa inquisiziuns penalas cunter giuvenils en cas da crims, da delicts e da surpassaments. La procuratura directiva per giuvenils è suttamessa a l'emprim procuratur public.
RR novitads 10:00