Il zercladur duai Alois Vinzens daventar nov president dal cussegl d'administraziun da la Bus e Service SA (pli baud Bus da Cuira), quai è la proposta a la radunanza generala. El duai succeder ad Erwin Rutishauser ch'aveva annunzià l'atun passà da sa retrair. La surdada da l'uffizi è previsa per il 1. da november 2019.
Da nov duai era Matthias Keller, directur dals servetschs da traffic Glattal, far part dal cussegl d'administraziun da la Bus e Service SA, sco l'interpresa da bus grischuna scriva. Part dal cussegl d'administraziun fan actualmain er anc Leta Steck-Rauch (sco vicepresidenta), Severin Riedi, Peter Maurer ed Oliver Vaterlaus.
RR novitads 11:00
