Siglir tar il cuntegn

Header

In flum dad aua da naiv svanescha en ina sfessa dal glatscher da Silvretta.
Legenda: In flum d'aua da naiv svanescha en ina sfessa dal glatscher da Silvretta. Keystone
cuntegn

Chantun Nova strategia dal clima per Grischun

La midada dal clima ha fatschentà la regenza grischuna. Ella ha preschentà ina strategia da clima per il chantun.

Tenor la regenza vegnia surtut il turissem d’enviern a stuair acceptar per part sperditas tar la svieuta e la biodiversitad vegnia a sa midar fermamain en consequenza da la midada dal clima.

Reducir emissiuns da CO2

Era vegnia quai a dar midadas tar la valitaziun dals privels da la natira. Ina da las consequenzas pussaivlas da la midada dal clima saja che la producziun d’energia idraulica pudessia sa reducir durant la stad, scriva l’uffizi per la natira e l’ambient dal chantun Grischun.

Per proteger il clima vali en emprima lingia da reducir l'emissiun da CO2, scriva la regenza. Per quest intent dovri mesiras per reducir il consum d'energia e per auzar l'effizienza da quella. Latiers tutga era da substituir purtaders d'energia fossila tras purtaders regenerabels.

RR novitads 11:00

Artitgels legids il pli savens

Scrollar a sanestra Scrollar a dretga