Nova vita per l'anteriur lavuratori forestal a Cuira

Actualmain chatt’ins sin l'areal da la Steinbruchstrasse 6 fin 8 il lavuratori forestal vegl da Cuira. La fatschenta d'informati e segirtad per bancas Inventx ha interess da surpiglair il dretg da bajegiar per quest areal.

Laschar ir video «Bajetg nov per Inventx»

Bajetg nov per Inventx

2:47 min, Telesguard dals 15.5.2017

La populaziun da la citad da Cuira votescha ils 21 da matg davart la surdada dals dretgs. Il cussegl da la citad da Cuira sustegn il project unanimamain.

La firma Inventx, che occupa actualmain 140 lavurers a Cuira, expandescha ed augmenta il dumber fin il 2020 sin circa 200 collavuraturs. Quai è il motiv, che l'Inventx bajegia in tal bajetg nov. Quel duai dentant betg mo vegnir duvrà per lavurar mabain era per abitar e divertiment:

las differentas auzadas dal bajetg Avrir maletg en lightbox.

Legenda da maletgs: las differentas auzadas dal bajetg. Inventx

  • En las duas auzadas suren (3+4), duessi dar 11 abitaziuns per affittar
  • En las duas auzadas enamez (1+2) duessi dar biros da l'Inventx, cun plaz fin rodund 300 emploiads
  • En il plaunterren duessi dar in restaurant u cantina, sco era ina halla ch'ins po duvrar per occurrenzas culturalas
  • En il plaun sutteran datti il nov archiv da la citad da Cuira, sco era ina garascha d'autos

Tenor il manader da fatschenta da l’Inventx, Gregor Stücheli, duessan las paraids dal bajetg vegnir bajegiadas flexiblas. Uschia pudessan las abitaziuns vegnir funcziunadas enturn en ulteriurs biros sche la fatschenta occupass dapli lavurers ils proxims onns.

Legenda da maletgsIl lavuratori uss - ed en l'avegnir, sch'i va tenor il giavisch da la firma Inventx.

L’entir bajetg che custa 35 milliuns ha ina surfatscha da 11'770 m².

Gregor Stücheli è persvas ch’ins po far a Cuira in nov Mecca da spezialists da IT, in lieu nua ch'ins po cumbinar lavur e divertiment en il medem bajetg. Al retschaviment dal bajetg dalla fatschenta d'informatica duessi dar roboters che beneventan visitaders. Plinavant duessan dronas manar ins en las dretgas auzadas e stanzas.

RR actualitad 17:00