Il cussegl da fundaziun da l‘Agentura da Novitads Rumantscha (ANR) ha elegì Gian Sonder da Salouf e Gian Michael da Donat en il cussegl da fundaziun. Ils novs commembers succedan a Filip Dosch ed Urs Cadruvi. Las nov persunas dal cussegl da fundaziun da l'ANR han plinavant approvà tant il plan annual 2018 sco era il budget 2018.
Dus novs emploiads a temp parzial
Il preventiv per il proxim onn prevesa entradas da var 1,3 milliuns francs ed expensas da 1,38 milliuns francs. La raschun per il surpli d'expensas da radund 80'000 francs: L'ANR surpiglia dus emploiads a temp parzial da «La Quotidiana» e da la «Posta Ladina». Il redactur da «La Quotidiana» ha gia avant lavurà parzialmain tar l'ANR, da nov è el engaschà cun in pensum da 100%. Per era sustegnair la «Posta Ladina» fan els tar lezza gasetta il medem, uschè Martin Gabriel. Quest surpli d'expensas po tenor il plan da finanzas vegnir cuvert cun reservas actualas.
En tut porscha l‘Agentura da Novitads Rumantscha ussa in pensum da lavur da 750%.
RR novitads 10:00