Siglir tar il cuntegn

Header

Ina litgiva d'aual da var dus onns.
Legenda: Ils pestgaders e las pestgadras grischunas ston s'endisar vi da novas reglas. Keystone
cuntegn

Novas prescripziuns da pestga Il 2020 sto il pestgader grischun s'endisar a novas reglas

En tschertas regiuns cumenza la pestga en l’avegnir gia l’emprim da favrer. Ils dis da schanetg crodan. Puncto grondezza da peschs daventan las prescripziuns pli severas e pli cumplitgadas.

Il chantun ha elavurà las novas prescripziuns en cunvegnientscha cun ils pestgaders. La revisiun totala ha en mira da mantegnair e proteger meglier ils peschs ch’èn ozendi per differents motivs sut squitsch.

Mo pli 60 peschs l'onn

Ina da las impurtantas restricziuns per ils pestgaders: Els dastgan be pli prender a chasa 60 peschs l'onn. Quest dumber ha il chantun fixà ensemen cun ils pestgaders.

Nus avain guardà cun ils pestgaders, nua ch’ins pudess far cumpromiss
Autur: Adrian Arquintschef da l'Uffizi da chatscha e pestga

Ils pestgaders veglian mantegnair las populaziuns ed hajan l’interess ch’i dettia era en l’avegnir ina pestga attractiva, di il schef da l'Uffizi da chatscha e pestga, Adrian Arquint.

Dad ina vart sajan las prescripziuns daventadas pli severas puncto dumber e mesira da peschs. Da l’autra vart hajan ins pudì vegnir encunter als pestgaders cun la durada da la pestga e cun stritgar ils dis da schanetg.

Las novas prescripziuns èn publitgadas en il Fegl uffizial dal chantun Grischun dals 12 da december 2019.

RTR actualitad 17:00

Artitgels legids il pli savens

Scrollar a sanestra Scrollar a dretga