Open airs e festivals vendan lur bigliets per gronda part sur portals d’internet sco «starticket» u «ticketino». I dat dentant era autras firmas che vendan ils bigliets sur lur atgnas paginas d'internet cun spezialas cundiziuns. Per exempel la pagina d’auto da posta: https://www.postauto.ch/de/search/myplus-profitieren-mit-postauto. Sin questa pagina chattan ins adina novas purschidas da bigliets per attracziuns e concerts. Per gronda part san ins adina profitar da rabats.
Open airs svizzers han differents sponsurs. Ils sponsurs principals survegnan adina bigliets per meglras cundiziuns. Ils sponsurs cumpran il bigliets bun martgà ni ch'els survegnan schizunt ils bigliets gratuit. Persuenter fan ils sponsurs reclama per l’event. Ils sponsurs vendan la fin finala ils bigliets pli favuraivel als agens clients.
Er sin la pagina d'internet da la Migros survegnan ins adina puspè reducziuns sin differents open airs, reducziuns ch’ins paja cun puncts da cumulus: https://www.migros.ch/de/cumulus/ticketshop.html