Nua è l'urs M25?

L'emettur dal cularin dad M25 n’emetta nagins signals pli. Quai ha Radiotelevisione Svizzera Italiana rapportà avant curt en l'emissiun Grigioni Sera.

l'urs M25 sin in prà Bild in Lightbox öffnen.

Legenda da maletgs: M25 avant bunamain in onn a Zuort/Sent. mad

Uss tschertgan las autoritads talianas l'urs perquai ch'il cularin vegn plaunsieu memia pitschen. M25 savess stenscher vi dal cularin.

Autoritads grischunas na fan nagins quitads

Ils Grischuns na fan nagins quitads per l'urs, quel saja il problem dals Talians di Georg Brosi, l'inspectur da l'Uffizi da chatscha. Pir cura che M25 vegniss sin territori svizzer sa fatschentassan ils Grischuns puspè cun el.

È M25 mort? È el forsa en ina vallada, nua che l'emettur vegn disturbà? U stenscha il cularin bainbaud l'urs? La populaziun dal Puschlav ch'è pertutgada da l'urs M25 fiss forsa leda, sche l'urs na vivess betg pli.

Bunura: Nua è l’urs M25?

2:08 min, Actualitad dals 11.04.2015

E las autoritads grischunas? Lezzas spetgan e guardan tge che schabegia.