Siglir tar il cuntegn

Header

Navigaziun

Legenda: Guardar il video Raischens – er en Grischun datti dapli cas da FSME. Durada 03:10 minutas.
Or da RTR dals 18.06.2019.
cuntegn

Chantun Nua virolar encunter il virus FSME da las zeccas?

L’onn passà ha l’Uffizi federal da sanadad publica cusseglià da laschar virolar encunter il virus FSME (Frühsommer-Meningoenzephalitis) mo en las regiuns nua ch’i ha dà cas da questa inflammaziun dal tscharvè. Quest onn ha l’uffizi schlargiàil territori e cusseglà la virola encunter FSME en l’entria Svizra cun excepziun dal Tessin e Genevra.

Per la populaziun n'èsi simplamain betg stà simpel da savair en tge lieus laschar vaccinar e nua betg. Per simplifitgar la communicaziun han ins decis da recumandar la virola encunter la FSME per l'entira Svizra, cun excepziun dal Tessin ed il chantun Genevra.
Autur: Martin ManiMedi chantunal

Ils cas da FSME èn creschids marcant ils davos trais onns. Il 2016 han ins dumbrà 200 cas dad FSME, il 2018 cun 377 cas, pia prest il dubel. Era enconuschent èsi che la zecca ha cumenzà a sa derasar era sur 1'500 meters sur mar. La raschun è la midada dal clima, las temperaturas autas pussibiliteschan a la zecca da surviver era els auts. Uschia n'èsi oz betg sclaus da pigliar in raischen era sin 1'800 msm.

TR Telesguard 17:40