En Val Schons sin l’acla «Dumagns» crescha la pastgira en. Ogna ha là remplazzà flurs ed ervas dal lieu sitg alpin.
Che pastgiras creschan en ès in fenomen che ins po observar en il entir Grischun. Perquai ch'ils manaschis purils vegnan adina pli gronds n'han ils purs betg pli temp da tagliar las chaglias e perquai ch'els na tegnan era strusch pli nursas e chauras che magliassan las chaglias crescha bler pastgira simplamain en.
Per schliar il problem ha il Parc Natiral Beverin lantschà in project: laschar pascular nursas engiadinaisas en las pastgiras creschidas en.
Il project na duess dentant betg laschar turnar las pastgiras, mabain cun la charn da las nursas era anc crear ina plivalur cun la finamira ch'ils purs mainan lura enavant il project cun tegnair dapli chauras e nursas e laschar pascular quellas en lieus cun chaglias.