Gia a l'entschatta da la radunanza ha il president da la Societad grischuna dals impressaris constructurs Markus Derungs exprimì confidenza per Andreas Felix ch'è stà il davos temp fermamain en la critica en connex cun las cunvegnas da pretschs en la branscha da construcziun. I saja vegnì fatg sbagls, conceda Derungs ed el sa perstgisia era per quels. Il sbagl saja stà ch'els n'èn betg stads al lieu per intervegnir. L'uniun stat dentant davos lur manader da fatschenta Andreas Felix.
Nus avain fatg sbagls.
Appel da Cavigelli a la cuminanza dals impressaris
Era il cusseglier guvernativ e schef dal departament da construcziun Mario Cavigelli è stà preschent. El ha appellà a la cuminanza dals impressaris e ditg che la reputaziun da l'entir chantun haja patì fitg. Plinavant ha el ditg ch'il chantun saja in'unfrenda da l'entir scandal e betg forsa in culpant.
Las cunvegnas da pretschs n'èn però betg vegnidas discutadas durant la radunanza generala.
RR actualitad 12:00