Siglir tar il cuntegn
Inhalt

Chantun Occurrenzas da sport er ils firads

La regenza grischuna vul schluccar la lescha davart ils dis da paus publics. Cun ina revisiun parziala vul ella tegnair quint dals trends da la societad ch'èn sa midads ils ultims onns.

Gieu da ballape traner l'US Schluein e Poschiavo.
Legenda: Las vischnacas pon dar lubientschas per occurrenzas da sport, cultura u divertiment er ils dis da auts firads. RTR, A. Wieland

La lescha vertenta era vegnida relaschada avant stgars 30 onns. Occurrenzas en connex cun la sanadad, la recreaziun, il sport, la cultura u il divertiment duain vegnir lubidas ils dis da paus publics, quai cun excepziun dals auts firads sco Nadal u Pasca.

Occurrenzas durant auts firads dovran ina lubientscha

Occurrenzas durant auts firads èn pussaivlas, ma quellas dovran ina lubientscha da las vischnancas. Cun la midada da la lescha survegnan quellas la cumpetenza da lubir talas occurrenzas. Il Cussegl grond tracta la missiva da la revisiun parziala en sia sessiun d’avrigl.

RR novitads 10:00