Siglir tar il cuntegn

Header

video
Ospital chantunal a Cuira scriva cifras cotschnas
Or da Telesguard dals 11.05.2021.
laschar ir
cuntegn

Onn da fatschenta 2020 Ospital chantunal ha fatg 1,3 milliuns perdita

1,3 milliuns francs perdita ha l'Ospital chantunal fatg durant il 2020, il 2019 aveva el anc fatg in gudogn da passà 27 milliuns francs. Ils trais facturs principals per la perdita èn: Pandemia da corona, custs da material per il nov bajetg principal e dapli collavuraturas e collavuraturs.

Il 2020 saja en tut ils secturs stà in onn spezial, scriva il chantun.

Per part dapli, per part damain pazientAs

17'000 pazientas e pazients staziunars èn vegnids tractads durant il 2020. Quai èn circa 3% pli pauc ch'il 2019. Persuenter ha l’Ospital chantunal gì dapli cas ambulants, numnadamain 92'000 pazientas e pazients, quai èn 10'000 dapli che l’onn 2019.

Nagin gudogn

La raschun principala saja la pandemia da corona. Uschia è era il gudogn sin las staziuns sa reducì per 8 milliuns francs, cumpareglià cun il 2019.

Ambulant haja l’Ospital chantunal dentant gudagnà in milliun dapli, sco il directur Arnold Bachmann vegn cità en la communicaziun.

Sfidas per il 2021

Vinavant quinta l’ospital ch'era l'onn 2021 vegnia pretensius quai che pertutga las finanzas.

RTR novitads 12:00

Artitgels legids il pli savens

Scrollar a sanestra Scrollar a dretga