Siglir tar il cuntegn

Chantun Optimar la rait da vias chantunalas cun meglra coordinaziun

La regenza grischuna ha deliberà la missiva davart la revisiun parziala da la lescha da vias.

In plazzal da construcziun cun crana.
Legenda: Projects sco il sviament da Glion muntan lavurs fitg cumplexas per il chantun. RTR, G. Hosang

La lescha vertenta da l’onn 2006 regla tranter auter la projectaziun da vias chantunalas, la construcziun, il mantegniment e la finanziaziun. Cun la revisiun duaja uss surtut vegnir meglierada la coordinaziun tranter ils organs chantunals e las vischnancas, scriva la regenza.

Ultra da quai vegnian optimadas las reglas tar la signalisaziun da las vias. Da nov è il chantun era responsabel per signalisar strivlas melnas e vials da velo.

Il Cussegl grond tracta la fatschenta en sia sessiun da zercladur.

RR Novitads 10:00