Siglir tar il cuntegn

Header

audio
Ospital da dunnas Fontana cun dapli naschientschas
Or da Actualitad dals 13.10.2020.
laschar ir. Durada: 02:32 minutas.
cuntegn

Ospital Fontana Dunnas da Son Gagl procuran per dapli naschientschas

Il favrer ha la partiziun da ginecologia a Walenstadt serrà sias portas. Dunnas da la regiun Sargans vegnan perquai a Cuira a parturir e procuran uschia per dapli naschientschas.

Oriundamain eri quintà che la partiziun da ginecologia da Walenstadt serra pir il 2027. Dentant lura èsi tuttenina ì spert e la partiziun ha gia serrà il favrer passà. Dapi il mars vegnan pia dapli dunnas da Son Gagl a parturir lur pops en l'ospital chantunal en la clinica da dunnas Fontana a Cuira. Uss, bun mez onn pli tard constatescha Peter Martin Fehr, il manader dal Fontana e schefmedi, bun 15% dapli naschientschas.

Preparads bain per l'augment

Quest augment na saja dentant stà nagin problem. Ins haja gia l'onn passà renovà l'infrastructura ed haja entras quai er avunda plaz e salas da parturir fitg modernas. Sper quai hajan ins er augmentà il persunal per er vinavant pudair porscher la tgira in tar in – n'emporta betg sch'ils novnaschids vegnan da Son Gagl u dal Grischun.

RTR actualitad 07:00

Artitgels legids il pli savens

Scrollar a sanestra Scrollar a dretga