Siglir tar il cuntegn
Inhalt

Chantun Ospitals regiunals avant grondas sfidas

Ils ospitals en il Grischun han adina dapli difficultads da chattar persunal.

Ospital regiunal.
Legenda: L'ospital regiunal a Samedan. RTR, David Spinnler

Il provediment medicinal en las regiuns decentralas stettia perquai avant grondas sfidas. Quai è in dals facits ch’il cusseglier guvernativ, Christian Rathgeb tira suenter sias visitas da quest onn tar ils ospitals regiunals dal Grischun. Questas visitas èn planisadas mintga dus onns. Ellas permettan da survegnir in’invista da la situaziun actuala dals ospitals.

Il dumber minimal da cas periclitescha il provediment medicinal en il Grischun

Er las prescripziuns unitaras da la Confederaziun pericliteschian il provediment da sanadad regiunal. En l'avegnir duai il dumber da cas minimals numnadamain esser la premissa per mandats da prestaziun. Capitia quai per exempel tar il dumber da naschientschas na pudessan ils blers ospitals betg pli offrir questa purschida.

Tenor Rathgeb mussan ils temas actuals, quant impurtant ch'igl è d'installar en las regiuns centers da sanadad per il provediment medicinal da la populaziun, sco quai ch'il model directiv dal chantun prevesa dapi l'onn 2013.

RR novitads 10:00