Siglir tar il cuntegn

Header

cuntegn

Chantun Paja minimala per catechetas e catechets

Las pajas da las catechetas ed ils catechets vegnan adattadas ha decis il Corpus catholicum a la radunanza annuala. Uschia survegnan las catechetas ed ils catechets ina paja minimala.

audio
Saira: Paja minimala per catechetas e catechets
ord Actualitad dals 26.10.2016.
laschar ir. Durada: 2 minutas 23 Secundas.

La discussiun pertutgond las pajas era viva. Finalmain ha la radunanza generala decis cun 69 cunter otg vuschs e trais abstenziuns da prescriver a las plaivs ina paja minimala.

Ina decisiun che è in cumpromiss pels aderents sco era per ils adversaris.

La paja minimala sa drizza suenter la glista da categoria da paja prescritta era a las magistras ed als magisters dal chantun Grischun. Però a mintga plaiv stat liber dad ir ensi cun la paja - tut tenor experientscha, diplom u vegliadetgna.

l'avat da la claustra Uznach ha tegni in referat a la sesida dal Corpus catholicum.
Legenda: L'avat Emmanuel Rutz durant ses referat. RTR, Fabia Caduff

Ulteriuras tractandas

A la radunanza generala ha il avat Emmanuel Rutz da la claustra dad Uznach fatg in referat davart il tema «Jau ed il purtret da dieu».

Il rapport annual, il quint annual ed il protocol dal 2015, sco era il preventiv 2016 sun vegnids approvads senza grondas discussiuns.

Artitgels legids il pli savens