audio
Datas da passagiers: Chantun fa squitsch tar Confederaziun
ord Actualitad dals 11.08.2020.
laschar ir. Durada: 3 minutas 7 Secundas.
Il Grischun vul ina meglra coordinaziun da datas cun la Confederaziun. Concret vai per las glistas da persunas che turnan da pajais da ristg en Svizra, che il BAG maina. Tenor la media chantunala, Marina Jamnicki, haja il chantun survegnì quellas datas per part pir 10 dis suenter il return, uschia ch’il temp da quarantina era gia passà. Il chantun pretenda che quai giaja pli svelt.
Il BAG ha consentì che quels process vegnian accelerads e che nus survegnian las glistas il pli tard tschintg dis suenter il return.
Tut tgi che turna dad in pajais ch’è sin la glista da ristg è obligà dad ir 10 dis en quarantina. Per las controllas èn ils chantuns responsabels. Enfin uss sajan 700 persunas ch’èn turnadas s’annunziadas tar l’Uffizi chantunal da sanadad. Ils blers èn turnads da la Bosnia-Erzegovina, il Cosovo, la Serbia, ils Stadis Unids e la Svezia.
