Chantun - Para pauca schientscha per il turissem en il Grischun
Las Grischunas ed ils Grischuns n’èn para betg conscients, quant dependent ch’il Grischun è dal turissem. Quai mussa in studi da la HTW da Cuira preschentà en la «Schweiz am Sonntag».
Il studi da students da la HTW Cuira mussa che l’enconuschientscha da l’impurtanza dal turissem per il chantun vegn pli pitschna pli lunsch davent che las persunas abiteschan da lieus turistics.
Per il president da Hotelleriesuisse Grischun, Ernst Wyrsch, n’è quai betg ina surpraisa. El pretenda perquai che l’impurtanza dal turissem vegnia promovida en scola.
