Siglir tar il cuntegn

Header

er da tirc donnegià entras il bau da tirc
Legenda: Tals donns chaschuna il bau da tirc (Maiswurzelbohrer), l'insect da 4 - 7 mm grondezza. Keystone
cuntegn

Parasit Plantahof vul impedir ch'il bau da tirc sa derasa

10 kilometers davent d'in lieu, nua ch'ins ha chattà quest onn baus da tirc, na dastg'ins betg cultivar tirc il proxim onn chalendar sch'ins ha quest onn cultivà tirc sin la medema parcella. Questa disposiziun ha il Plantahof relaschà per impedir ch'il bau da tirc sa derasia. Cunter questa disposiziun po vegnir fatg recurs tar il Departament d'economia publica e fatgs socials.

Bau da tirc

Il bau da tirc (Diabrotica virgifera virgifera, Maiswurzelbohrer) è in parasit ord l'America dal Nord. Sias larvas maglian las ragischs da las plantas da tirc e quai pudessi reducir massivamain la racolta da tirc. Cunquai ch'il bau metta l'ova l'atun en champs da tirc existents u gia racoltads èn spezialmain problematicas las culturas alternantas «tirc sin tirc».

Il bau da tirc è vegnì chattà quest atun en las vischnancas da Cazas, Fläsch, Grüsch e Schluein, ma er en la vischnanca songagliaisa Bogn Ragaz che cunfinescha cun il Grischun. Ils territoris pertutgads aifer questa zona da 10 km, il link avra en ina nova fanestra èn nudads en ina carta. Tut tenor po questa mesira tutgar pli u main ferm singuls manaschis purils, ha ditg Andrea Vetsch dal post spezialisà per la protecziun da plantas dal Plantahof envers il schurnal regiunal dad SRF.

Per tadlar curt e cumpact:

RTR novitads 11:00

Artitgels legids il pli savens

Scrollar a sanestra Scrollar a dretga