10 kilometers davent d'in lieu, nua ch'ins ha chattà quest onn baus da tirc, na dastg'ins betg cultivar tirc il proxim onn chalendar sch'ins ha quest onn cultivà tirc sin la medema parcella. Questa disposiziun ha il Plantahof relaschà per impedir ch'il bau da tirc sa derasia. Cunter questa disposiziun po vegnir fatg recurs tar il Departament d'economia publica e fatgs socials.
Il bau da tirc è vegnì chattà quest atun en las vischnancas da Cazas, Fläsch, Grüsch e Schluein, ma er en la vischnanca songagliaisa Bogn Ragaz che cunfinescha cun il Grischun. Ils territoris pertutgads aifer questa zona da 10 km èn nudads en ina carta. Tut tenor po questa mesira tutgar pli u main ferm singuls manaschis purils, ha ditg Andrea Vetsch dal post spezialisà per la protecziun da plantas dal Plantahof envers il schurnal regiunal dad SRF.
Dapli
Per tadlar curt e cumpact: