Siglir tar il cuntegn

Header

Vista en la Val Curciusa.
Legenda: Senza ella na vaja betg - la Val Curciusa duai esser en il perimeter dal Parc Adula. RTR
cuntegn

Chantun Parc Adula betg senza Val Curciusa

In Parc Adula senza che la Val Curciusa tutga tar la zona circumdanta - quai na va tenor las secziuns dal WWF Grischun e Tessin betg. Ultra da quai saja il Parc Adula ina gronda schanza per mantegnair e promover natura ed ambient.

Dasperas, uschea il WWF, vesan la secziun grischuna e quella tessinaisa anc intginas mancanzas tar il project per il parc. Quellas pertutgian cunzunt la zona centrala. Uschia dovria ina reducziun da la rait da vias e trutgs ed in scumond da tschertgar cristals.

Laschar viver capricorns ed animals da rapina gronds

En la zona principala duai la natira avair tut las libertads. Perquai na vul il WWF betg, che capricorns ed animals da rapina gronds vegnan sajettads per regular lur dumber. La planisaziun actuala prevesa quellas pussaivladad.

Privats ed organisaziuns han gì peda fin oz d'inoltrar lur posiziuns pertutgant la charta Parc Adula.

RR novitads 11:00

Artitgels legids il pli savens

Scrollar a sanestra Scrollar a dretga