Siglir tar il cuntegn

Header

cuntegn

Parc Naziunal Svizzer Co pudess il chantun sustegnair il parc?

Il Parc Naziunal Svizzer saja dapli ch'in lieu da protecziun e da perscrutaziun – el saja ina valur turistica. Perquai vuless il deputà e capo da Zernez Emil Müller (PBD) sustegn finanzial dal chantun.

Il Parc Naziunal Svizzer saja unic ed enconuschent sur ils cunfins da l'Engiadina e dal Grischun ora. Perquai haja el era ina valur immensa per la regiun, argumentescha Emil Müller. Da la regenza vuless el gugent savair:

  • sch'il parc è in'instituziun relevanta per il sistem
  • sch'i dess in sustegn finanzial sco per auters parcs (p.ex. sco previs per il Parc Adula)
  • sch'i dess ina contribuziun annuala
  • sch'i dess contribuziuns à fonds perdu
  • sch'i fiss pussaivel da far ina cunvegna da prestaziun

Resposta l'october

Il cusseglier guvernativ Marcus Caduff vul uss examinar la dumonda che Emil Müller ha inoltrà durant la sessiun extra muros a Puntraschigna. L'october possia el quintar cun ina resposta.

RR actualitad 06:00