Siglir tar il cuntegn

Header

audio
Saira: Barat da terren per nova caserna a Cuira
Or da Actualitad dals 21.11.2019.
laschar ir. Durada: 4 minutas 18 Secundas.
cuntegn

Parlament da Cuira Barat da terren per caserna al Rossboden

Cun 16 cunter 2 vuschs ha il parlament da Cuira ditg Gea la gievgia al barat da parcellas tranter la vischnanca burgaisa e la citad da Cuira. Malgrà il cler resultat hai dà ordavant ina discussiun animada. Votums critics hai dà da La Verda, ma era dals burgais-democrats e da la PPS. Punct da critica è stà surtut che la citad surlaschia a la vischnanca burgaisa il terren en la zona agricula per in pretsch memia favuraivel, numnadamain per 15 francs il meter quadrat.

Quest barat duai pussibilitar da construir ina nova caserna sin il Rossboden. Cuira vul persuenter aquistar l’areal da la caserna veglia da l’armada. Là duai dar plaz per abitar, lavurar e per il diever public. Ils plans per il project èn vegnids preschentads la fin da l'avust passà.

L'ultim pled en chaussa vegn però il pievel ad avair. En duas votaziuns decida el per l'ina davart dal barat da terren cun la vischnanca burgaisa e per l'autra davart ils daners per cumprar il terren da la caserna.

RR actualitad 17:00

Artitgels legids il pli savens