Ils delegads e las delegadas da la PBD han decidì las suandantas parolas:
- Gea al nov sistem d'eleger per il Cussegl grond
Cun il nov sistem possian vegnir resguardads sco fin qua ils circuls electorals sco er la diversitad politica e culturala en il chantun. Uschia hajan valladas perifericas er en avegnir ina vusch en il Cussegl grond, ha manegià il cusseglier grond dad Avras, Bruno Loi. Vuschà han 62 persunas cun Gea e 5 persunas èn s'abstegnì.
- Na a l'iniziativa populara «per ina chatscha etica e che sa cumporta cun la natira»
L'iniziativa mettia en dumonda il sistem da chatscha da patenta en Grischun sco tal. Dentant manchentia l'iniziativa sezza las finamiras da la protecziun d'animals e quai per part massivamain, ha declerà il cusseglier grond Kenneth Danuser da Cazas. La regenza sco er il Cussegl grond proponan da dir Na a l'iniziativa. La PBD ha decidì cun 52 vuschs, da dir Na a l'iniziativa.
- Gea a l'aboliziun da la lescha per contribuziuns da maternitad
Cun la proposta duai remplazzar las contribuziuns da maternitad cun ina schliaziun da medema valur. Cun ulteriurs meds duai la basa finanziala per la tgira entras terzs vegnir meglierada. Quellas duain sustegnair finanzialmain las famiglias e garantir ina buna tgira per ils uffants. Ils delegads e las delegadas proponan cun 51 encunter 4 vuschs da dir Gea a l'aboliziun da la lescha.