Parolini: Turitg gioga rolla centrala

Per bainenqual votanta e votant grischun èsi probabel in criteri da decisiun da saver sch'ils partenaris stattan davos ina candidatura grischuna u betg. Per il cusseglier guvernativ Jon Domenic Parolini eisi cler ch'igl è perquai d'intensivar ils contacts cun quests chantuns e lieus.

purtret da Jon Domenic Parolini Bild in Lightbox öffnen.

Legenda da maletgs: Il Grischun intensivescha ils contacts cun ils partenaris per la candidatura grischuna. RTR

Per Jon Domenic Parolini e per la regenza grischuna gioga Turitg e sia aglomeraziun ina rolla centrala e quai betg mo per ina candidatura grischuna. Tochen ussa è l'eco da la citad da Turitg dentant betg uschè grond. La regenza intensiveschia perquai ils contact cun la regenza dal chantun Turitg e betg cun la citad, uschia di Parolini.

«  La plazza aviatica Turitg è il portal d'entrada per mintga candidatura per gieus olimpics, betg mo per ina candidatura grischuna. »

Jon Domenic Parolini
cusseglier guvernativ

Per ils burgais e las burgaisas grischunas è la situaziun in zic hanada. D'ina vart savessen els gugent sch'ils partenaris èn da la partida per gieus olimpics en il Grischun, da l'autra vart spetgan ils partenaris la decisiun dal pievel grischun, avant che far plans e calculaziuns pli concretas.

Il suveran grischun decida ils 12 da favrer 2017 davart in credit brut da 25 milliuns francs per la candidatura.

Cifras pli concretas che quests 25 milliuns francs per la candidatura na vegnan era ils votants betg a survegnir. En la fasa actuala na saja betg pussaivel d'enconuscher ils detagls da custs di Jon Domenic Parolini.