La Polizia chantunala ha scuvert en il Partenz ina gruppa da whatsapp da giuvenils cun cuntegns da chat illegals. 10 giuvenils en la vegliadetgna da 14 fin 17 onns èn responsabels per ils cuntegns e ston sa responsar avant la procura publica da giuvenils.
Sco quai che la Polizia chantunala communitgescha, haja ella survegnì il favrer in indizi ch'i vegnia transmess a Claustra via ina gruppa da WhatsApp cuntegns pornografics. Investigaziuns hajan mussà ch'ils giuvenils hajan cundividì aifer quatter mais 970 datotecas pornograficas che fissan per creschids legalas. Ultra da quai ha la polizia dentant er chattà en la gruppa 19 videos che fissan er per creschids illegals. I sa tracta là da films cun pornografia scumandada e da represchentaziun da violenza scumandada.
RR novitads 17:00