audio
Bunura: Apero PBD: Co vinavant cun la partida?
ord Actualitad dals 04.01.2020.
laschar ir. Durada: 3 minutas 16 Secundas.
Il 2019 saja stà in nairaglia onn per sia partida, ha il president Beno Niggli ditg a chaschun da l’apero da Bumaun da la partida. La PBD dal Grischun haja pers ses mandat en il parlament federal e cun mo pli trais sezs en il cussegl naziunal haja la PBD gnanc pli forza da fracziun.
Nus vulain evaluar tuttas dumondas senza tabus.
Curt suenter las elecziuns haja la partida perquai incumbensà ina gruppa enturn la PBD giuvna da far in rapport che analisescha la situaziun e formulescha propostas per l’avegnir.
En las proximas emnas e mais vegn decidì co i va vinavant cun la PBD dal Grischun. En il fratemp saja il rapport sin maisa e la giunta da la PBD discuteschia da rudent las propostas, di Beno Niggli. Il resultat vegnia suttamess il favrer a la radunanza da commembers.
RTR actualitad 08:00