La fracziun da la Partida socialdemocratica grischuna ha elegì Lukas Horrer sco nov president. El succeda uschia a Conradin Caviezel che demissiunescha suenter quatter onns a la testa da la fracziun.
Horrer ha 30 onns e sesa dapi il 2018 en il Cussegl grond. Durant sis onns è el stà secretari da la PS dal Grischun. Actualmain è el er il president da la cumissiun d'economia en il Cussegl grond e saja s'engaschà fermamain per il sustegn dals cas da direzza da Covid. El haja er gia pudì mussar ch'el possia sviluppar schliaziuns da cumpromiss e ch'el possia lavurar includent autras partidas.
Sco temas centrals pe la PS vesa el sur tut:
- l'ecologia: La midada dal clima saja il tema grond per il chantun en ils proxims onns.
- politica da finanzas: La PS duai s'engaschar per ina politica da finanzas ed economia «per tuts empè per pacs».
- politica d'egualitad: Sin tut ils palcs chantunals saja da far bler dapli per la diversitad e per stgaffir medemas schanzas.