Siglir tar il cuntegn
Inhalt

Chantun Partida Verda cunter iniziativa No Billag

La partida Verda dal Grischun di na a l'iniziativa per abolir las taxas Billag.

Cedel da pajament da la Billag.
Legenda: L'iniziativa No Billag va en votaziun ils 4 da mars 2018. Keystone

L'idea da l'iniziativa No Billag da finanziar radio e televisiun en Svizra sulet tenor quai ch'il martgà lascha tiers avess per las regiuns periferas ed il turissem en il Grischun consequenzas fatalas. Quai scriva la partida Verda. Senza taxas svanissan radios locals e televisiuns regiunals e cunquai la plattafurma e la promoziun da minoritads linguisticas, da la cultura locala e da bleras disciplinas da sport. Il Grischun ristga da daventar ina regiun senza ina purschida audiovisuala.

Al nov urden da finanzas che vegn era en votaziun il cumenzament da mars din ils Verds grischuns gea.

RR novitads 10:00