Siglir tar il cuntegn

Header

cuntegn

Partidas grischunas Giuvna PPS Grischun vul obligatori da votar

La Giuvna partida populara dal Grischun vul che dapli Grischuns e Grischunas sa participeschian a votaziuns. Ina proposta da la Giuvna PPS è d'introducir in obligatori da votar.

La democrazia directa vivia da quai che burgais e burgaisas sa participeschian activamain a la politica e giajan a votar. Il mument saja la participaziun memia bassa. Uschia argumentescha la Giuvna PPS Grischun ses plan da mesiras per auzar la quota da participaziun.

Areguard l'obligatori da votar pudess il Grischun profitar da las experientschas dal chantun Schaffusa, scriva la Giuvna PPS Grischun. Là datti gia in obligatori da votar: Tgi che na va betg a votar, sto pajar in chasti da tschintg francs.

Sco ulteriuras mesiras per auzar la participaziun propona la Giuvna PPS Grischun da prefrancar las cuvertas da votaziun, da rinforzar la furmaziun politica e da formular pli simpel ils documents da votaziun.

RR novitads 20:00