Desister da la festa na ston ins dentant betg, i dat alternativas. Qua inqual idea:
Chatscha da stgazis
Tar ina chatscha da stgazis pon duas partidas sa divertir. Impurtant è simplamain ch’i vegnia mantegnì las distanzas. Il meglier è dad ir da different temp a la tschertga dal stgazi.
S’embratschar sur distanza
Per posta pon ins trametter in’embratschada da palpiri. Ins dovra mo palpiri, colurs, ina forsch, corda, colla, ina marca ed ina brev. Ed il meglier? L’embratschada po vegnir duvrada adina lura, cura ch’ins lascha encrescher per insatgi.
Mangiar da cumpagnia
Tgi che na less betg mangiar sulet durant ils dis da festa po organisar in brunch cun telefonar a video ubain far in brunch cun ils vischins sin distanza. Ed ins po schizunt barattar mangiativas, entras la stgaffa da brevs.
Viagiar a chasa
Desister dal viadi da Pasca na sto nagin. Ins dovra simplamain in zic fantasia. Quest onn vegn numnadamain fatg viadi en chasa u en l’atgna abitaziun. Quella porscha lieus exotics sco il Balcongo, Canadapè u Tgombrasilia. E da quests lieus creativs pon ins lura trametter cartas postalas.
