Blers plevons registreschan lur cult divin u fan perfin in livestream en l'internet. Uschia na ston ins betg bandunar la chasa per celebrar cun il cult divin. La Baselgia catolica sco er la Baselgia refurmada rimnan sin lur paginas d'internet quellas purschidas.
Purschida RTR
Er RTR emetta sur Pasca mintgamai in servetsch divin catolic ed in refurmà.
Celebrar a chasa
Intginas plaivs porschan texts u uraziuns, che mintgin po leger a chasa. Er la sontga tschaina pon ins festivar en il rom da la famiglia. Er sch'ins stoppia sa disar vidlonder da leger sez ils texts.
Envidar ina chandaila
Il fieu saja er ina part da la festa da Pasca, in simbol per la resurrecziun da Jesus. Envidar ina chandaila e giudair il silenzi saja plinavant ina buna varianta per vegnir a pos e da reflectar.