Chantun - Passa 150 chastis tar l’inscunter da töfs al Stelvio
155 chastis, ina moto e 6 permiss confiscads, quai è la bilantscha da controllas da traffic intensivas en connex cun in inscunter da motos al Pass dal Stelvio.
Sco quai che la polizia chantunala communitgescha, hajan els controllà la fin d'emna passa 400 motos e lur manischunzs.
A l'inscunter da motos al Pass dal Stelvio èn sa participadas passa 10’000 persunas. Las controllas han servì a la prevenziun d’accidents da traffic. Tranter auter èsi vegnì examinà l’abilitad e la permissiun dad manischar u er il stadi dals töfs.
